قائد الشركة هو المسئول الاول عن ثقافة العمل فيها

-

 


قائد الشركة هو المسئول الاول عن ثقافة العمل فيها: اولوياته، معاييره، اهتمامته، أخلاقياته، مهنيته، خبراته، كلها بتبان في تقييمه للأمور و للمواقف و للأفراد اللي بتشتغل معاه، و بالتالي بتشكل ردود أفعاله و قراراته، و بالتبعية بتشكل ثقافة العمل بالشركة.

يعني لو في قائد بيكون رد فعله انه ينفعل جداً لما يسمع خبر سلبي فأكيد فريق العمل بعد كده هايتجنب انه يوصله اخبار سلبية، و هايبقى الموضوع اشبه بالمحلسة و التطبيل
.
لو في قائد ضعيف في المتابعة، هايسمع دايماً حاضر و طيب و فريقه واثق انه هاينسى
.
لو قائد بيغلب دايماً مصالحه الشخصية على مصلحة العمل، هتلاقي فريق العمل بيدور ازاي يجامله شخصياً عشان يرضيه و مش مهم العمل.
.
لو قائد لما بيتعرض عليه أمر فيه خلاف، بيدور فقط على مصلحته دون النظر الى الحق او العدل او مصلحة الاخرين، هتلاقي فريق العمل كله بقى ما عندوش اي ولاء او انتماء للمؤسسة و الناس هاتبقى في صراع عشان تاخد حقوقها و اللي هايطول حاجة ياخدها حتى لو ده على حساب الشغل او صاحب الشغل
.
القائد هو 80% من ثقافة الشركة و مسئول عن 100% من نجاحها، لذلك مهم قوي قبل ما تفتح شركة او تقود فريق عمل انك تكون انسان عنده اخلاق و قيم و منضبط في ردود افعالك و بتتخذ قراراتك بناءاً على اعتبارات مهنية و عملية
.
قبل ما تفتح شركة او تقود فريق عمل لازم تتعلم يعني ايه قيادة، و افضل طريقة لتعلم القيادة هي انك تشتغل مع قائد فذ، تشتغل تحت قيادته ساعتها هاتتعلم من ردود أفعاله و قراراته، عشان كده لو انت لسه في اول حياتك المهنية، ما تدورش على الوظيفة ذات الراتب الاعلى و لا الشركة الاكبر، دور على القائد الفذ، اللي انت هاتتعلم منه بجد و السنة معاه ب3 سنين في اي شركة تانية، و ده بياخدنا لنقطة تانية مهمة و هي:

.
لا تسعى ان تؤسس شركة بمجرد تخرجك من الجامعة، لان انت بالشكل ده مش هاتكون اتيحت ليك الفرصة تتعلم القيادة و لو فتحت هاتخبط كتير و هاتتعلم بالطريقة الصعبة و هتاخد وقت اكبر عشان توصل لأهدافك، مش اقل من 5-7 سنين عشان تفكر تفتح البيزنس الخاص بيك، و القاعدة دي ليها استثناءات طفيفة جداً، و لكن تظل هي القاعدة الاساسية التي تصلح للسواد الأعظم
.
صباح القيادة
.
#أحمد_فهمي
#العيادة_الإدارية

تعليقات

إرسال تعليق

شكراً لتفاعلك مع العيادة الإدارية .. نسعد بتعليقكم

المشاركات الشائعة من هذه المدونة

بتواجهك مشكلة؟

-
لما تقابلك مشكلة، بلاش يبقى اول سؤال يجي على ذهنك: هو ليه حصلت المشكلة دي؟ لا وجه عقلك بسرعة لسؤال: ازاي احل المشكلة دي؟ ايه افضل تصرف حالياً؟ الا اذا كان حل المشكلة بيعتمد على سبب حدوثها، ساعتها فكر في السبب بالقدر فقط اللي يساعدك على الحل، اوعى تسيب نفسك لسؤال ليه، لانه للاسف بيستهلك وقتك و طاقتك و بيسحبك من غير ما تحس أحيانا لمشاعر سلبية ما تعرفش تخرج منها، و ده هايقلل من قدرتك على إيجاد حل، و التصرف بسرعة في اتجاه العلاج
قراءة المزيد

عايز عربية و لا سواق؟

-
صورة
 في فرق كبير بين العربية و السواق . العربية: كل اللي مطلوب منها اني ادوس بنزين تسرع ادوس فرامل تقف، احود يمين تروح يمين، احود شمال تروح شمال لكن السواق بقى: بتديله هدف و هو عليه انه يراجع على العربية و يطمن انها جاهزة للمشوار و يحمل العربية بالشحنة و يأمنها كمان، و يحدد احسن طريق اللي يوصل للهدف او الوجهة و يبتدي يتحرك و يظبط السرعة بحيث انها توصله في الوقت المطلوب و في نفس الوقت توصله بسلام بدون حوادث او مخالفات، و يتعامل مع اي طارئ او عائق يظهر، سواء عطل في العربية او قطع في الطريق او مطب جديد، و يوصل الشحنة بسلام للشخص الصحيح و يقوم باللازم سواء استلام فلوس او توقيع على ورق او غيره و بعدها يرجع تاني بسرعة و سلامة و ينتظر هدف جديد . لما تيجي توظف موظف جديد، لازم تبقى عارف انت عايزه عربية ولا سواق، مخ و لا عضلات، لان مش كل الناس عندها عضلات و لا كل الناس عندها مخ، طبعاً الكلام هنا مجازي، لان معظم الاعمال دلوقتي ما بقتش محتاجة عضلات بعناها الحرفي، و لكن اللي اقصده انت عايز منفذ و لا مخطط، واحد بيعرف ينفذ المطلوب منه و لا واحد بيعرف يفكر و يخطط و يلاقي حلول للمشاكل، النوع الاول بيكو...
قراءة المزيد