عايز عربية و لا سواق؟
![صورة](https://blogger.googleusercontent.com/img/b/R29vZ2xl/AVvXsEjg5LE3NfEOdnoxi9RfqfEvurvoL8y-QXitiHJyRDBOKfXpyr-sqHUJNCx2jLyXRsLhKOnMrv1gz8mFe07kJ-JaxHdM2zi2TLXpJVP4jt5BjhvVY5F7SYaj7-03zvUEAIQOaRXvuF0JFBZupTDRCVGML0ats3meg1Kuwzc-OAEcfSMXP4xqIBwhF7iG6w/s320/Depositphotos_142245212_l-2015.jpg)
في فرق كبير بين العربية و السواق . العربية: كل اللي مطلوب منها اني ادوس بنزين تسرع ادوس فرامل تقف، احود يمين تروح يمين، احود شمال تروح شمال لكن السواق بقى: بتديله هدف و هو عليه انه يراجع على العربية و يطمن انها جاهزة للمشوار و يحمل العربية بالشحنة و يأمنها كمان، و يحدد احسن طريق اللي يوصل للهدف او الوجهة و يبتدي يتحرك و يظبط السرعة بحيث انها توصله في الوقت المطلوب و في نفس الوقت توصله بسلام بدون حوادث او مخالفات، و يتعامل مع اي طارئ او عائق يظهر، سواء عطل في العربية او قطع في الطريق او مطب جديد، و يوصل الشحنة بسلام للشخص الصحيح و يقوم باللازم سواء استلام فلوس او توقيع على ورق او غيره و بعدها يرجع تاني بسرعة و سلامة و ينتظر هدف جديد . لما تيجي توظف موظف جديد، لازم تبقى عارف انت عايزه عربية ولا سواق، مخ و لا عضلات، لان مش كل الناس عندها عضلات و لا كل الناس عندها مخ، طبعاً الكلام هنا مجازي، لان معظم الاعمال دلوقتي ما بقتش محتاجة عضلات بعناها الحرفي، و لكن اللي اقصده انت عايز منفذ و لا مخطط، واحد بيعرف ينفذ المطلوب منه و لا واحد بيعرف يفكر و يخطط و يلاقي حلول للمشاكل، النوع الاول بيكو...