العيادة ‏الإدارية

مؤخراً انتشر مصطلح growth hacking، و عامل لغبطة لبعض الناس، لأن في ناس اول ما بتسمع hacking بيجي في دماغها على طول اختراق و تجسس و شاشات سودا و text اخضر 😄، ويمكن سبب ده انهم بيترجموا كلمة hacking على انها قرصنة، و بالتالي بيترجموا growth hacking بقرصنة النمو، و الترجمة دي تعتبر ترجمة حرفية مخلة بصراحة و هي اللي بتسبب اللغبطة دي. . كلمة hack او hacking مش في كل المواضع معناها قرصنة، لان قرصنة معناها سلبي، و بيوحي بانك بتاخد حاجة مش من حقك، بينما الترجمة الانسب هنا هي حيل النمو او النمو بتحايل، او بمكر و دهاء. . وللتبسيط للناس اللي مش فاهمة، الgrowth hacking عبارة عن انك بتشغل دماغك في جميع مراحل رحلة العميل بتاعك من ساعة ما بيسمع عنك ( awareness ) لحد ما بيشتري و يرجع يكرر الشراء، الرحلة دي بنقسمها لمراحل حسب درجة اقتراب العميل من اتخاذ قرار شراء المنتج او الخدمة، يعني مرحلة السماع عن الشركة او المعرفة بها، وبعدين الاهتمام، و بعدين الرغبة و بعدين قرار الشراء و بعدين الاعجاب بالمنتج او الخدمة و من ثم تكرار الشراء او ترشيح المنتج او الخدمة لصديق آخر، طيب فين بقى الgrowth hacking؟ انا ا...

على مدار حياتي المهنية اللي تقترت من 20 سنة قابلت ناس كتير عندهم أفكار تجارية حلوة و لكن مش بيعرفوا يحولوها لبيزنس تجاري مربح، و قابلت مؤسسين شركات ناشئة مش قادرين يحددوا هما بيقدموا ايه للناس و مين هما الناس اللي المفروض يخدموهم و ايه احتياجات الناس دي . لو واجهك اي موقف من المواقف دي فأنت مدعو لمشاهدة ورشة عمل "بناء نموذج العمل التجاري" من خلال اللينك ده ورشة عمل Business Model Generation الورشة دي مفيدة لمين: رواد الاعمال مؤسسي الشركات الناشئة اي شخص بيسعى لتأسيس شركته الناشئة .

من الأمراض الإدارية المنتشرة في كثير من الأعمال و عند كثير من القيادات هو مرض اسمه "مش فاضي للتطوير" يعني مافيش وقت او موارد للتطوير، يعني تقوله اعمل تطوير في نظم العمل عندك يقولك مش فاضيين، طيب روح خدلك كورس او احضر ندوة او اتفرج على فيديو على اليوتيوب يساعدك تطور نفسك و بالتالي مؤسستك، يقولك مش فاضي، طيب انت عارف ان "مش فاضي" دي سبب مش نتيجة؟؟ يعني انت "مش فاضي" عشان "ما طورتش نفسك"، مش العكس، كتير قوي بنبقى ناسيين ان تظبيط الشغل اهم من الشغل، و ليس العكس، احد المتدربين اللي بيحضر معايا أحد الكورسات حالياً طول فترة المحاضرة مشغول بالرد على الرسايل و بيخرج يعمل مكالمات كذا مرة، باقوله ليه كده، قاللي معلش اصل الشغل فيه حاجات ضرورية لازم ارد عليها، قلتله بس انت لو ركزت في المحاضرة هاتفيد الشغل اكتر، انت جاي تحضر معانا عشان تتعلم و لا عشان تريح ضميرك؟ قالي عشان اتعلم، قلتله لو فضلت مشغول بالرسائل طول المحاضرة مش هاتركز و بالتالي مش هاتتعلم، و كده يبقى الشغل استفاد ١٠٠٠ جنيه لما رديت بس خسر ٥٠ الف جنيه كنت ممكن تكسبهم لو طورت نفسك . اللي عايز اقوله ...

  قائد الشركة هو المسئول الاول عن ثقافة العمل فيها: اولوياته، معاييره، اهتمامته، أخلاقياته، مهنيته، خبراته، كلها بتبان في تقييمه للأمور و للمواقف و للأفراد اللي بتشتغل معاه، و بالتالي بتشكل ردود أفعاله و قراراته، و بالتبعية بتشكل ثقافة العمل بالشركة . يعني لو في قائد بيكون رد فعله انه ينفعل جداً لما يسمع خبر سلبي فأكيد فريق العمل بعد كده هايتجنب انه يوصله اخبار سلبية، و هايبقى الموضوع اشبه بالمحلسة و التطبيل . لو في قائد ضعيف في المتابعة، هايسمع دايماً حاضر و طيب و فريقه واثق انه هاينسى . لو قائد بيغلب دايماً مصالحه الشخصية على مصلحة العمل، هتلاقي فريق العمل بيدور ازاي يجامله شخصياً عشان يرضيه و مش مهم العمل . . لو قائد لما بيتعرض عليه أمر فيه خلاف، بيدور فقط على مصلحته دون النظر الى الحق او العدل او مصلحة الاخرين، هتلاقي فريق العمل كله بقى ما عندوش اي ولاء او انتماء للمؤسسة و الناس هاتبقى في صراع عشان تاخد حقوقها و اللي هايطول حاجة ياخدها حتى لو ده على حساب الشغل او صاحب الشغل . القائد هو 80% من ثقافة الشركة و مسئول عن 100% من نجاحها، لذلك مهم قوي قبل ما تفتح شركة او تقود ...

من اكتر الاخطاء اللي بنقع فيها، هي اننا كتير قوي بننسى الغاية او السبب اللي عشانه بنعمل حاجة معينة او ماشيين في طريق معين، بننسى احنا بنعمل الحاجة اللي بنعملها دي ليه . يعني مثلاً انا باتعلم كذا ليه؟ او انا باشتغل في المجال الفلاني ده ليه؟ او حتى هو انا في نزاع او صراع مع فلان ده ليه؟ احياناً بتلاقي نفسك في وسط صراع كبير قوي و الصراع ده اخدك لافعال و مستويات ما كنتش ابداً في دماغك انك توصلها، و لكن دافع الانتقام او الانتصار او السيادة بيدفعك لتصعيد و لافعال هي اكبر من سبب الصراع بكتير قوي . و عشان كده مهم جداً انك كل شوية و انت بتجري و بتلاحق الاحداث، تقف شوية و تسأل نفسك هو انا باعمل ده ليه؟ هو انا ماشي في الطريق ده ليه؟ هو انا اصلاً دخلت الطريق ده عشان احقق ايه؟ . ده هايساعدك كتير تضبط افعالك و اتجاهك . يعني مثلاً ماشي في الطريق و حد كسر عليك و حصلت مشادة كلامية و الامر تطور، و شايف انه هايوصل لصراع تكسير عظام، لا اوقف لحظة و اسال نفسك هو انا رايح على فين و كل ده ليه؟ هتلاقي ان السبب تافه، فممكن ساعتها تخمد نار الصراع اللي بكبر ده بانك تعتذرله او تقوله خلاص حصل خير و كلنا بنغلط و تم...

في مصطلح في البيزنس اسمه trade off و معناه: التنازل عن ميزة من أجل الحصول على أخرى و دايما بنستخدمه في المواقف اللي بنكون مضطرين فيها نضحي بحاجة عشان نكسب حاجة تانية، نضحي بفلوس عشان نكسب وقت، او نضحي بفلوس عشان نكسب سمعة، او نضحي بصفقة عشان نكسب صفقة تانية، و هكذا كلنا في حياتنا المهنية و الشخصية بنعمل trade  off طبعا المفروض انك بتضحي بالاقل قيمة عشان تكسب الاعلى قيمة (من وجهة نظرك)، يتبقى بس ان يكون عندك منظومة قيم و اخلاق،  لان بدون منظومة القيم و الاخلاق في المعادلة انت ممكن تضحي باخوك اللي كلت معاه عيش و ملح عشان تكسب بنط عند حد تاني، و ساعتها هاتبقى كسبت بنط بس خسرت نفسك . عاشروا و صاحبوا ناس عندها منظومة القيم و الاخلاق ثابتة ما بتتبدلش حسب المواقف . #العيادة_الإدارية #أحمد_فهمي

  الناس دايماً بتميل لتقييم و تصنيف الاشخاص اللي حواليهم، عشان يبقى سهل عليهم يحطوهم في قالب او مكانة معينة او يحطوا عليهم label محدد يعرفوا يتعاملوا مع الشخص ده من خلاله، و أياً كان التصنيف (أناني - متعاون - داعم - منافس - مشجع - محبط - عدو - حبيب - شبهي - بيكرهني - بيحبني - هجاص - اذا قال فعل - ..... التصنيفات كتير) و دي حاجة في تكويننا الانساني و مش هانقدر نلغيها و مش مطلوب نلغيها .. و لكن اذا كنا واقعين فيها لا مفر، فعلى الاقل نعملها صح . طيب ازاي بقى نعملها صح؟ .. أنا اقولك . عارف في مثل بلدي كده بيقول أيه؟ "لا تذم و لا تشكر الا بعد سنة و 6 اشهر"، و بصراحة بغض النظر عن المدة اللي في المثل ، بس اسلم شئ انك فعلاً ما تحكمش على حد من موقف واحد أو اتنين سواء كان الموقف ده حلو او وحش، لازم يبقى عندك عدد من المواقف تكفي لتكوين نمط تقدر من خلاله تطلع بصفة أصيلة في الشخص ده، لأن توطيد العلاقات او تخفيف العلاقات او انهاءها بناء على موقف او اتنين من شخص ما، مش صح خالص، أمال ايه الصح؟ . الصح ان العلاقات تبني و تنهى بناءاً على الصفات الاصيلة الدائمة مش المواقف الفردية، يعني مثلاً في ...